NDRRMC Naka Blue Alert

National News

Cebu City – Naka “Blue Alert Status” na ang National Disaster Risk Reduction and Management Council (NDRRMC) nunot sa bagyong falcon.

Ubos sa blue alert status, 50 porsyento sa mga sakop sa NDRRMC ang gi-obliga sa ilang pwesto bisan unsang oras ug kinahanglan usab nga naa nay emergency preparation.

Kagahapon nagpahigayon ang ahensya og Pre-Disaster Risk Assessment Meeting ug gituki ang mga hulga sa bagyo ug pagpangandam alang sa mga lakang nga kinahanglan himuon.

Ang maong pakighinabi gitambungan sa mga departamento ug ahenysa sa gobyerno nga adunay kalambigitan sa katalagman.

Kalabot niini nagpasidaan sa Mines and Geosciences Bureau (MGB) nga ang kusog nga uwan mamahimong muresulta og landslides ug flashfloods sa Ilocos, Cagayan Valley, Calabarzon, Central Luzon, Mimaropa, Bicol, Western Visayas, Central Visayas, Eastern Visayas, Cordillera Administrative, ug National Capital Regions.

Giawhag ang mga lokal ang panggamhanan sa naasoy nga rehiyon nga magpatuman og evacuation protocols sa mga lugar nga adunay gitawag nga “High Susceptibility Ratings.”

Samtang ang Department of Social Welfare ang Development (DSWD) naa nay pre-positioned sa mga family food packs, emergency funds ug laing food ug non-food items. (DYARNewsCenter/GO)

Leave a Reply

Your email address will not be published. Required fields are marked *