Cebu hugtan pa ang seguridad human kini gipili isip usa sa Top 10 Best Island

Metro News

Cebu City – Mas pahugtan pa karon sa siguridad sa mga turista nga mobisita sa sugbo ang bag-ong hepe sa Cebu City Police Office (CCPO) Police Colonel Gemma Vinluan.

Kini human nga ang sugbo napiling ikapito sa Top 10 Best Island sa Travel+ Leisure magazine.

Gawas sa hugot nga siguridad sa mga turista mimando usab si Vinluan sa kapolisan nga kinahanglang mopahiyom kini ngadto sa mga matagboan o moduol kanilang mga turista, langyaw o lokal.

Nasayran nga ikaduha ang palawan sa labing maanindot nga isla sa asia ug ika-9 ang boracay base sa gipahigayong survey sa travel +leisure magazine.

Lakip sa nilangkub sa maong survey ang mga traveler kinsa nigrado sa ilang mga kasinatian sa mga lugar nga ilang gibisita sama sa beaches, activities, mga pagkaon nga ilang natilawan ug pagkamaabi-abihon sa mga tawo sa lugar. (DYARNewsCenter/GO)

Leave a Reply

Your email address will not be published. Required fields are marked *