Cebu, nag una sa naay pinaka taas na kaso sa Dengue

Health

Cebu City – Nag-una ang Sugbo sa tanang probinsiya sa nasod sa taas nga kaso sa dengue. Mao kini ang paghulagway sa Department of Health (DOH).

Apan, sumala pa ni DOH 7 Regional Director Jaime Bernadas nga dili angay maalarma ang publiko ug angay lang nga mangandam kini ug magpakabana usab aron dili magpadayon ang pagsaka sa mga kaso niini.

Nasayran nga base sa labing uwahi nga kaso sa DOH Central office niabot na sa 5,935 ang kaso nga natala sa sugbo diin gisundan kini sa lalawigan sa Iloilo diin natala ang 5,327 ka kaso, Negros Occidental nga aduna’y 3,266 ka kaso, Capiz nga 2,590 ang kaso ug Aklan nga 2,095 ang kaso.

Ang maong datus gikan kini enero karong tuiga hangtod Hulyo 13.

Natala usab ang 36 nga patay sa Sugbo, 23 sa Negros Occidental ug 20 sa siyudad sa Iloilo.

Apan kon basehan ang kaso nga natala sa DOH 7 anaa pa lang sila sa 5,611 ug 35 nga patay.

Gitataw ni Bernadas nga normal nga taas ang kaso sa Sugbo tungod kay kon basehan ang populasyon lukop rehiyon nga anaa na sa 7.4 milyones, 70% niini anaa sa sugbo o 4.7 milyones.

Ang direktor nagkanayon nga kon ang rehiyon ang basehan anaa lang sa ikalima ang central visayas sa nasod sa mga kaso sa dengue. (DYARNewsCenter/GO)

Leave a Reply

Your email address will not be published. Required fields are marked *