E-jeep nga nagdagan sa Lapu-lapu City, gisupak sa mayor sa dakbayan

Metro News

Cebu City – Supak si Lapu-lapu City Mayor Junard “Ahong” Chan sa pagpadagan sa mga Electronic Jeepney (E-jeep) sa dakbayan.

Tungod niini, ang mayor mopadala og suwat ngadto sa ulohang buhatan sa Land Transportation Franchising and Regulatory Board (LTFRB).

Matod ni Chan nga alang kaniya di haom ang mga E-jeep sa kadalanan sa dakbayan sanglit makamugna lang kini og dugang kahuot sa trapiko.

Buot usab ni Chan nga maklaro sa LTFRB ang rota sa naasoyng mga sakyanan aron di maapektohan ang mga drayber sa tricycle ug multicab sa ilang pangita sa di pa hingpit nga padaganon.

Nasayran nga dunay nadawat nga daghang reklamo ang mayor gikan sa mga tricycle ug multicab drivers nga apektado ang ilang kita sanglit ang e-jeep way klarong rota sa dakbayan, bisag asa lang maabot.

Sa kasamtangan,adunay 25 ka mga unit sa e-jeep nga nagdagan sa dakbayan sukad niadtong abril.
nasayran sab nga duna pa’y moabot nga dugang 75 ka mga E-jeep, apan wa na mo-uyon niini si Chan. (DYARNewsCenter/GO)

Leave a Reply

Your email address will not be published. Required fields are marked *