Gov. Gwen Garcia manghatag ug personal nga kagamitan sa mga inmates sa CPDRC

Metro News

Cebu City – Mangahatag og personal nga kagamitan sa inmates sa Cebu Provincial Detention and Rehabilitation Center (CPDRC) si Gobernador Gwen Garcia.

Atol sa pagbisita niini kagahapon sa buntag, kauban sa Gobernador si CCPO Director Pol. Col. Roderick Mariano diin iyang nasuta ang ang nagkalain-laing kolor sa mga uniporme niini ug uban pang panginahanglan sa buhatan hilabi na ang mga butang nga gikinahanglan para sa panginabuhian sa mga inmates.

Nagkanayon ang gobernador nga muhatag siya og panapton para sa bag-ong mga uniporme ug sapatos alang sa mga inmates homan iya kining nakit.an nga nagsul-ob og tsinelas samtang nanayaw.

Usa sab sa tutukan sa gobernador ang pagbalik sa kanhing mga programa sama sa rehabilitation program, pagpanahi, pagbalik sa tagsa-tagsang passbook sa mga piniriso ug himuong kooperatiba ang tanang kita aron ang tanan adunay bahin.

Sa kasamtangan, ang cpdrc dunay 2,354 ka lalake, 171 ka mga babaye ug adunay kinatibuk-an nga 2,525 nga mga piniriso sa CPDRC.

Nasayran nga gikan sa norte sa sugbo ang mga kadaghanan sa mga piniriso diin sa lungsod sa consolacion ang dunay pinakdaghan nga moabot og 469 ug musunod niini ang lungsod sa liloan nga 357. (DYARNewsCenter/GO)

Leave a Reply

Your email address will not be published. Required fields are marked *