Mga E-bike, gidili na sa pagpadagan sa tanang mga kalsada sa panggamhanan

Metro News

Cebu City – Nipahimangno sa publiko ang Land Transportation Office (LTO) nga panakpon na nila ang tanang Electric Bike (E-bike) nga masakpang modagan sa tanang mga karsada sa kagamhanan.

Sumala pa ni LTO 7 Director Victor Emmanuel Caindec nga ilang hunungon ang illegal operation sa E-bikes sa pampublikong mga lugar sa di pa kini managhan sama sa habal-habal (Motor taxi) ug trisikad nga mao nay panginabuhi sa pipila ka mga tawo.

Iyang gibana-bana nga dunay 200 ka E-bikes nga nagdagan sa mga karsada sa siyudad nga way registration ug insurance.

Ila kining i-impound sud sa 90 ka adlaw ug multahan ang tag-iya og P7,000.

Si Caindec nagkanayon nga siya naguol nga gipamalit ang e-bikes gikan sa nagkadaiyang mga tinubdan sa tag P16,000 matag unit apan gipadagan bisan asa.

Siya nidugang nga ang mga tag-iya nigamit ning sakyanan sa bisan unsang katuyoan, pinaagi sa pagbutang og sidecar alang sa mga pasahero o personal nga gamit. (DYARNewsCenter/GO)

Leave a Reply

Your email address will not be published. Required fields are marked *