Kaban sa kagamhanan sa syudad sa sugbo, aduna pa’y 14 bilyones nga nahabiling pondo

Metro News

Cebu City – Giingong aduna pa’y P14 bilyones ug $1 milyon ang nahabilin sa kaban sa kagamhanan sa syudad sa sugbo.

Kini matud sa cash report sa city treasurer niadtong Hunyo 30 nga mao ang katapusan sa termino ni kanhi Mayor Tomas Osmeña.

Sumala pa ni kanhi Treasurer Arlene Rentuza nga ang kanhi administrasyon nagbilin og badyet nga naglakip sa General fund, Trust fund, ug Special Education fund.

Kabahin niini, si Mayor Edgardo Labella nagkanayon nga iyang ipa-verify kini ni Atty. si Jerone Castillo kinsa gitudlo niya isip City treasurer.

Dugang pa sa mayor nga siya mangita sa badyet nga gamiton sa pagpundo sa unang supplemental budget karong tuiga, labi na ang P455 milyon alang sa nahabilin nga pinansyal nga tabang sa mga senior citizens gikan sa hulyo ngadto sa Disyembre. (DYARNewsCenter/GO)

Leave a Reply

Your email address will not be published. Required fields are marked *