Sunog sa Sitio Tacan sa Lapu-lapu City, P400,000 danyos ang naugdaw

Metro News

Cebu City – Gibanabana nga mokabat ngadto sa P400,000 ang danyos sa sunog nga miulbo sa Sitio Tacan, barangay Ibo, dakbayan sa Lapu-lapu, dominggo sa kaadlawon, Hulyo 21.

Diin dili mominos sa 150 ka mga panimalay ang naugdaw sa maong sunog.

Nadawat sa Lapu-lapu city fire department ang alarma ala 1 sa kadlawon ug giisa kini sa task force alpha human ang 30 minutos.

Base sa inisyal nga imbestigasyon nagsugod ang sunog sa panimalay ni Silverio Tumarong Jr.

Giisa sa mga awtoridad ngadto sa task force bravo ang alarma ala 1:40 sa kaadlawon ug gideklara nga under control alas 2:50 sa kaadlawon.

Hingpit na nga napawong ang kayo alas 6:21 sa buntag. (DYARNewsCenter/GO)

Leave a Reply

Your email address will not be published. Required fields are marked *