Cebu City Gov’t, buot babagan ang pagguba sa duha ka government building sa Kawit Island

Metro News

Cebu City – Nihimo og lakang ang Cebu City government aron di na mapadayon ang pagguba sa ka government building sa Kawit Island.

Kini pinaagi sa pagpadala og suwat sa legal office ngadto sa presidente sa Universal Hotel and Resorts, Inc. o UHRI nga ihunong una ang ilang pagguba sa duha kini samtang wala pa makasugod og imbentaryo ug wala pa mohatag og clearance ang Commission On Audit (COA) subay sa circular no. 89-296 diin gilatid ang mga proceso sa pagguba sa usa ka government property.

Ang UHRI kinsa maoy gika-kontrata sa cebu city government niadtong sayong bahin sa tuig 2019 ubos sa administrasyon ni kanhi Mayor Tomas Osmeña motukod og P18 bilyones nga development sa 10 ka ektaryang luna sa Kawit.

Si City Legal Officer Rey Gealon ug SRP Manager Jose Daluz III nipadala og pormal nga komunikasyon kagahapon ngadto ni Frederick Go sa UHRI ubos sa direktiba ni Mayor Edgardo Labella. (DYARNewsCenter/GO)

Leave a Reply

Your email address will not be published. Required fields are marked *