Gidaghanon sa mga tawo nga nanguha og driver’s license, nikunhod

Metro News

Cebu City – Nikunhod ang gidaghanon sa mga tawo nga nakakuha og driver’s license sa tuig 2018 kon itandi sa tuig 2017 didto sa Land Transportation Office (LTO) 7.

Mao kini ang gibutyag ni Regional Director Vic Caindec atol usab sa ilang paglusad sa kapihan sa LTO 7 human nius-os ngadto sa 255,000 ka driver’s license ang ilang naisyu sa 2018 kumpara sa 284,000 sa tuig 2017 nga dili pa siya ang naglingkod.

Ang kapihan sa LTO 7 maoy programa diin ang mga tawo makapadayag sa ilang sugyot ug problema sa ahensiya para mahatagan og solusyon nga ilang ipahigayon kaduha sa usa ka buwan.

Dugang pa sa direktor nga nidyutay ang nakakuha og lisensiya gumikan sa estrikto niya nga pagpatuman sa balaod pagkuha sa prebelihiyo sa pagmaneho.

Hinuon,padayon sab ang pagpaniid niini sa ubang mga kawani sa LTO 7 sanglit kon padayon sila nga makigkonsabo sa mga fixer, inihap nalang ang ilang mga adlaw sanglit prisohan ang ilang padulngan. (DYARNewsCenter/GO)

Leave a Reply

Your email address will not be published. Required fields are marked *