Trapiko sa syudad sa Mandaue, sulbaron

Metro News

Cebu City – Laraw karon sa lokal nga panggamhanan sa dakbayan sa Mandaue nga masulbad ang problema sa trapiko sa syudad.

Nunot niini, gihan-ay ni Mandaue City Mayor Jonas Cortes ang iyang mga plano sa pagsulbad sa problema sa trapiko sa siyudad niining bag-o niyang administrasyon.

Kahinumduman nga sa niaging tulo ka tuig isip kongresista sa ikaunom nga distrito sa lalawigan sa sugbo, si Cortes nakig-alayon sa Department of Public Works and Highways sa pagpatuman sa balor P6 bilyones nga proyekto sa tibuok distrito.

Naglakip kini sa UN Avenue Underpass, Ouano Avenue concreting ug ang drainage ug road construction sa mantawi drive ug uban pa gipahaum sa paglambo sa siyudad.

Sigun pa ni Cortes nga sa wala pa siya nibalik sa pagka-mayor, giahibawo siya sa taga Japan International Cooperation Agency (JICA) sa gipanday nga urban transport masterplan for metro Cebu.

Gihangyo sab ni Cortes ang konseho sa siyudad sa pagpasar og mga ordinansa nga makatabang sa pagpaluag sa mga sakyanan nga dili sab maalaot ang mga drayber ug mga operators. (DYARNewsCenter/GO)

Leave a Reply

Your email address will not be published. Required fields are marked *