Mga illegal number games, gikabalak-ang mosiaw sa Central Visayas

Metro News

Cebu City – Gikabalak-ang mosiaw ang ubang mga illegal number games subay na sab sa pagpasirado ni Presidente Rodrigo Duterte sa tanang outlet sa lotto, swertres, peryahan ng bayan, keno ug uban pa.

Lakip niini mao ang masyaw, jueteng ug bookies nga gipangpustahan sa mga pinoy bisan kon nag-operate pa ang Philippine Charity Sweepstakes Office (PCSO) numbers game.

Dako usab ang posibilidad nga mosiaw ang mga hantak ug tigbakay sa kabarangayan tungod kay wa na silay mapustahan.

Tungod niini, nimando si Police Regional Office (PRO) 7 Director Police Brigadier General Debold Sinas sa tanan niyang mga sakop nga monitoron ang mga illegal nga sugal.

Si Sinas nagkanayon nga ang wa lang nila hilabti nga sugal ang adunay permit sa Games and Amusement Board (GAB) ug ang Philippine Amusement Gaming Corp. (PAGCOR). (DYARNewsCenter/GO)

Leave a Reply

Your email address will not be published. Required fields are marked *