DOH 7 Direktor Bernadas gihimamak ang isyu sa expired na tambal

Health

Cebu City – Gihatagan og katin-awan ni Department of Health (DOH 7) Regional Director Dr. Jaime Bernadas nga walay kamatuoran ang kontrobersiya nga adunay wala mapang-apud-apod nga tambal ang duol na ang expiration date niini nga nagkantidad og P367.158 milyones.

Si Bernadas miingon nga wala’y ingon niini sa ilahang bodega sa region.

Siya nagkanayon nga usa gyud ni sa mandato sa iyang mga sakop nga ipang-distribute ang tambal tungod kay daghang nagkinahanglan.

Nigawas ang maong isyu human gibutyag sa Commission on Audit (COA) nga aduna’y kapin p360 milyones nga kantidad sa tambal ang hapit na ma-expire.

Ang maong mga tambal anaa pa kini sa DOH Warehouse atol sa ilang pakisusi niadtong Enero 31 ning tuiga.

Sa pagkakaron, gipaubos sa imbestigasyon ang maong kontrobersiya. (DYARNewsCenter/GO)

Leave a Reply

Your email address will not be published. Required fields are marked *