Re-Assignment kay Jail Warden Jessie Calumpang human napatay ang usa ka inmate sa Mandaue City Jail

Metro News

Cebu City – Giingong re-assignment lang ug di relibo ang pagbalhin kang Jail Warden Supt. Jessie Calumpang.

Mao kini ang gitataw sa tigpamaba sa Bureau of Jail Management and Penology (BJMP-7), Jail Chief Inspector Mary Jane Inopia, subay na sab sa mga taho nga relibohan ang mga opisyal sa Mandaue City Jail.

Matud pa ni Inopia, natayming lang ang tanan tungod sa pag-irog sa mga assignment.

Kini tungod sa hingpit nga pagbalhin ni BJMP-7 Assistant Regional Director, Jail Supt. Jolly Taguiam ngadto sa kauluhan.

Gipahibaw sab ni Inopia nga wa pay order nga ibalhin usab ang mga jail guard tungod kay nagpadayon pa ang imbestigasyon sa pagpatay kang Romy Ramas niadtong lunes, Hulyo 29, sulod sa pasilidad.

Sa miaging adlaw, nipadayag na si calumpang sa iyang ka andam kon relibohan siya ug ang iyang mga kauban.

Nasayran nga 24 na ka tuig sa serbisyo si Calumpang ug nadestino sa Mandaue City Jail sa miaging tuig. (DYARNewsCenter/GO)

Leave a Reply

Your email address will not be published. Required fields are marked *