Malakanyang duda gihapon sa subling paggamit sa Dengvaxia Vaccine

National News

Cebu City – Duda gihapon ang Malacañang nga subling gamiton ang Dengvaxia Vaccine.

Kini ang pamahayag ni Presidential Spokesperson Salvador Panelo bisan paman nga bukas ang gobyerno sa subling paggamit sa kontrobersyal nga bakuna arun masulbad ang pagsaka sa kaso sa dengue.

Suma kang panelo nga kinahanglan usa nga ikonsederar ang opinyon sa World Health Organization (WHO) ug mga medical experts.

Giinsister sa Malakanyang nga dili na nila gusto ma-usab ang mga sayop kaniadto sa dili saktong paggamit sa dengvaxia alang sa political agenda.

Sigon pa ni Panelo nga kung mapatud-an nga epektibo ang Dengvaxia sa mga adunay dengue, gisiguro niini nga mokunhod ang kinatibuk-ang gidaghanon sa kaso sa nasud.

Gisiguro usab ni panelo nga ipadaplin sa gobyerno ang pulitika sa pagtuon kun kinahanglang ipadayon ang paggamit sa Dengvaxia. (DYARNewsCenter/BC)

Leave a Reply

Your email address will not be published. Required fields are marked *