Gale warning advisory giisa lukop Visayas

Metro News

Cebu City Gumikan na sab nasinati nga kakusog sa hangin, giisa na sa Philippine Atmospheric Geophysical and Astronomical Services Administration (PAGASA) Visayas alas 11 sa buntag adlawng Dominggo, Agusto 4, 2019 ang gale warning advisory sa kadagatan sa kabisay-an.

Sumala pa ni Engineer Al Quiblat, Officer-in-Charge sa PAGASA Visayas, nga anaa na sa 50 kilometros ang takna sa hangin nga nasinati sa kabisay-an subay gihapon ni sa hatak sa hanging habagat.

Hinuon layo ra ang bagyong hanna sa Visayas diin nasigpatan kini sa 1,070 sidlakan sa Infanta, Quezon.

Subay niining gale warning, gidid-an na ang pagbiyahe sa sakyanang pangdagat nga anaa sa 250 ang gross tonnage paubos.

Ang Philippine Coast Guard Central Visayas nikompirmar sa pipila ka kanselado nga biyahe sa bangka ug fastcraft.

Kanselado na usab ang biyahe sa MV Island beri nga gikan sa Tagbilaran, MV Star Craft 3 ug MV Star Craft 7 nga pulos gikan sa tubigon, tanan paingon sa Sugbo. (DYARNewsCenter/GO)

Leave a Reply

Your email address will not be published. Required fields are marked *