Presidente Duterte andam paminawon ang rekomendasyon sa DOH nga subling gamiton ang Dengvaxia Vaccine

National News

Cebu City – Gisiguro sa Malakanyang nga paminawon ni Presidente Rodrigo Duterte ang rekomendasyon ni Health Secretary Francisco Duque III kung subling gamiton kon dili ang Dengvaxia Vaccine.

Kini ang pamayahag sa Malakanyang human ang taho sa Department of Health (DOH) nga mukabat na sa kapin 100,000 ang kaso sa dengue nga natala sa nasud sugod enero hangtod Hulyo sa kasamtangang tuig diin kapin 400 ka tao na ang nakalas.

Suma kang Presidential spokesman Salvador Panelo nga posibleng tukion sa cabinet meeting karung adlawa ang mahitungod sa Dengvaxia.

Gisiguro usab sa Malakanyang sa publiko nga buhaton sa gobyerno ang tanang pamaagi arun masumpo ang sakit nga dengue. (DYARNewsCenter/GO)

Leave a Reply

Your email address will not be published. Required fields are marked *