Lechon Festival sa syudad sa Talisay, subling buhion

Metro News

Cebu City – Subling ibalik ang pagbuhi sa Lechon Festival sa syudad sa Talisay. Nunot niini, ipahimutang unya diha sa atubangan sa Talisay city hall ang Lechon Park.

Tumong niini aron maila nga Lechon Capital ang Talisay city sa tibuok nasud ug sa Southeast Asia, karong domingo, Agusto 11, himuon ang pasiuna nga pagsugod sa Lechon park sa maong siyudad.

Sumala pa ni Mikie Aznar, Assistant Tourism Officer sa syudad, nga nasabutan nila ni Mayor Gerald Anthony “Samsam” Gullas nga diha kini himuon sa city hall ground o park atubangan sa command center.

Kini aron paghatag og kahigayunan sa mga mahiligon og lechon o sa mga langyaw nga first-time pa nga makatilaw sa lamiang’ lechon, nga dili na kinahanglan pa moadto sa sudlonong bahin sa barangay dumlog ug Barangay Poblacion.

Nagkanayon si Aznar nga nakig-alayon na sila sa asosasyon sa mga lechoneros sa syudad, aron maoy mopahimutang og pwesto.

Ang pagpamaligya magsugod sa alas singko sa kaadlawon hangtud na sa ala una sa hapon. Dungan usab kini sa pagpahigayon nga international event sa Ironman.

Gilantawan nga mahitabo ang grand opening gyud sa Lechon park, karong Oktubre atol sa kapistahan. (DYARNewsCenter/GO)

Leave a Reply

Your email address will not be published. Required fields are marked *