Presidente Duterte dili magdeklarar og martial law sa Negros Oriental

National News

Cebu City – gisiguro ni Presidente Rodrigo Duterte nga dili na kini magdeklarar og martial law sa Negros Oriental bisan sa nahitabong pagpatay sa rehiyon.

Sa pamahayag sa Presidente sa oath-taking sa mga bag-ong napili nga opisyal sa League of Cities of the Philippines ug liga sa mga barangay sa malakanyang martes sa gabii,gibutyag niini nga dili na kini magpatuman og martial law gawas lang sa mindanao region.

Gitataw sa presidente ang iyang gitumbok nga “Drastic Action”mao ang pagdep-loy na lang og daghang sundalo sa Negros Oriental sama sa iyang gihimo sa jolo nga gibutangan og usa ka division.

Suma kang presidente nga dugang pwersa na lang ang iyang himuon sa Negros Oriental.

Giingong parehas lang ang Martial Law, suspension sa Writ of Habeas Corpus ug dugang pwersa sa militar tungod sumpuon lang niini ang lawless elements. (DYARNewsCenter/GO)

Leave a Reply

Your email address will not be published. Required fields are marked *