Kaso sa dengue Central Visayas walay apil sa epidemic level

Health

Cebu City – Gitataw karon ni  Department of Health (DOH) 7 Regional Director Dr. Jaime Bernadas  wala sila makaabot sa epidemic level bisan pa ang Central Visayas daghan tinuod og  dengue.

Subay na sab kini sa pagdeklarar sa doh  og national dengue epidemic nunot  sa gidaghanon sa mga rehiyon nga dunay mga kaso sa dengue nga niabot na sa epidemic level.

Apan siya malaumon nga magpadayon ang pagkanaog sa kaso dungan sa pag-ingon nga ang pagpalimpyo sa palibot magpadayon ug dili angay mokompiyansa kini bisan minaog ang kaso.

Hingusgan nila ang ilang kampanya sa 4 o’clock habit, pasabot niini kada alas 4 sa hapon manglimpyo sa kabalayan, opisina, mga sagbot, tanom ug uban pa nga pwedeng itlogan sa lamok.

Base sa datos sa Regional Epidemiology and Surveillance Unit (RESU) sa DOH-7 miabot na og 11,085 ka kaso ug 74 ang patay gikan sa Enero 1 hangtod sa Agosto 3, 2019 dinhi sa Central Visayas. taas kini og 118 percent itandi sa samang period sa miaging tuig nga duna la’y 5,095 kaso sa dengue ug 30 ang patay.

Nag-una gihapon ang cebu city sa labing daghan og kaso sa dengue nga miabot og 1468 ug 11 ang patay; gisundan kini sa lapu-lapu city nga dunay 661 ka kaso ug duha ang patay; mandaue city 451 kaso ug tulo ang patay, Dumaguete city 293 ka kaso ug usa ang patay, Danao city 283 ka kaso. (DYARNewsCenter/GO)

Leave a Reply

Your email address will not be published. Required fields are marked *