Mga kawani sa kapitolyo makadawat gihapon sa ilang bunos

Metro News

Cebu City – Padayon gihapon makadawat sa ilang bunos ang mga kawani sa kapitolyo.

Suma kang Gobernador Gwendolyn Garcia nga naa nay pagtugot gikan sa Commission on Audit (COA) aron hatagan og annivesary bunos ang mga kawani sa kapitolyo ug ingon man gumikan kay nalakip kini sa supplemental budget nga gi-aprobahan sa provincial board di palang dugay.

Gitataw usab ni Garcia ang mga taho nga undangon na niini ang paghatag sa mga bunos sa mga empleyado inay iyang gisulti nga iyang hunongon ang batasan sa paghatag og dako nga bonus.

Adunay kantidad nga P5,280,000 nga budget ang na-aprubahan nga gitagana alang sa annivesary bunos sa kaswal ug regular nga mga empleyado, lakip na ang mga napiling opisyal sa kapitolyo.

Gikumpirmar usab sa provincial budget office nga ang tanan nga mga empleyado nga nagserbisyo sa kapitolyo sa labing menos usa ka tuig makadawat dili molapas sa P3,000 matag usa.

Dugang pa ni Garcia nga dili na siya mohimo og pahibalo sa wala pa ang pag-apod-apod sa mga bonus itandi sa iyang gibuhat sa iyang miaging administrasyon. (DYARNewsCenter/GO)

Leave a Reply

Your email address will not be published. Required fields are marked *