Cebu Provincial Government, mohatag og 3 milyones nga tabang pinansiyal sa syudad sa Naga

Metro News

Cebu City – Laraw karun sa Cebu Provincial Government nga himuong tres (3) milyones ka pesos ang ihatag nga tabang pinasyal sa LGU sa syudad sa naga kalabot sa nahitabong landslide niadtong Setyembre 20 sa miaging tuig.

Suma kang Cebu Governor Gwendolyn Garcia nga dili igo ang usa ka milyon nga tabang sa maong syudad nga hangtod karun wala pa nadawat sa maong syudad.

Gihimug-atan ni Garcia nga gamay ra ang 1 million pesos tungod kay daghan gihapon ang wala pa nahiluna kon wala pa ma-relocate nga mga biktima sa maong landslide.

Makig-dayalogo usab si Garcia kang naga City Mayor Valdemar Chiong kinsa mihangyo og tabang sa probinsya.

Sigon pa sa gobernador nga angay lang nga himuon nga P3 milyones ang ihatag nga tabang tungod dili lalim ang nahitabo sa mga biktima.

Muabag usab ang probinsya sa deped alang sa pagtukod sa bag-ong tunghaan sa dakbayan. (DYARNewsCenter/GO)

Leave a Reply

Your email address will not be published. Required fields are marked *