Dul-an 6,000 ka aplikante nga nagpa rehistro sa Comelec sa unang 10 ka adlaw

Metro News

Cebu City – Niabot na sa dul-an 6,000 ka aplikante sa mga nagparehistro sa Commission on Elections sa dakbayan sa Sugbo sukad sa Agosto 1 hangtud petsa 10 sa maong buwan.

Sumala pa ni Cebu City Election Assistant Omar Sharif Mamalinta nga maayo ra ang dagan sa pagpanawat nila og aplikante sa nagpadayon nga voter’s registration.

Base sa ilang datos nga nahipos nga sa north district niabot na og 2,601 ang nakaparehistro samtang 3,379 ang nagparehistro sa south district sa Cebu city diin sa kinatibuk-an niabot na og 5,980 ang nagparehistro.

Ang pagpangrehistro may kalabutan kini sa gikatakdang eleksiyon sa barangay ug sangguniang kabataan sa may 11, 2020.

Ang buhatan sa comelec magsugod og panawat sa mga aplikante gikan sa alas 8 sa buntag hangtud sa alas 5 sa hapon. (DYARNewsCenter/GO)

Leave a Reply

Your email address will not be published. Required fields are marked *