World-Class tourist spot, laraw nga tukuron sa syudad sa Talisay

Metro News

Cebu City – Usa karon sa nag-una nga tinguha sa administrasyon ni Mayor Gerald Anthony Gullas sa dakbayan sa Talisay mao ang pagpatukod og world-class tourist spot sa syudad.

Kini ang hinungdan nga sa miaging semana gituyo sa pagduaw sa mayor ang mga buhatan sa pipila ka senador aron magpatabang alang sa funding sa maong proyekto.

Gitug-an ni Gullas nga diha sa barangay poblacion, tulo ka phases ang gitinguha niya nga pagpatukod sa world-class tourist destination.

Una ang central plaza, food court ug boardwalk nga sumpay sa landingan o liberation park.

Matud sa mayor nga gawas sa ilang pundo nga gikan sa supplemental budget ning tuiga, ilakip usab sa annual budget sa sunod tuig, ug nangayo usab og tabang og dugang pundo sa kanhi mayor ug karon 1st District Representative, Eddie Gullas.

Lakip sa iyang giduol og nipasalig nga motabang, sila si Senador Cynthia Villar, Sen. Grace Poe, Sen. Ronald ‘Bato’ Dela rosa, Sen. Bong Go, Sen. Sherwin Gatchalian, Sen. Miguel Zubiri, Sen. Nancy Binay, Sen. Imee Marcos, Sen. Sonny Angara, Sen. Pia Cayetano ug Sen. Francis tolentino.

Matud ni Gullas nga ang maong nga senador, ang nisaad na nga motabang sa maong proyekto sa syudad.

Sa kasamtangan, gi-finalize nalang karon ang mga specific sa design alang usab sa tukma nga gikinahanglan nga pundo niini. (DYARNewsCenter/GO)

Leave a Reply

Your email address will not be published. Required fields are marked *