Cebu City Mayor Labella miduso ug 250 milyones nga supplemental budget

Metro News

Cebu City – Miduso si Cebu City Mayor Edgardo Labella og P250 milyones nga supplemental budget alang sa modernong traffic system sa syudad.

Suma kang Labella nga kinahanglang i-upgrade ang sobra na sa 30 ka tuig nga sistema sa trapiko nga gitawag og Sydney Coordinated Adaptive Traffic System (SCATS).

Una ng gibana-bana sa Cebu City Transportation Office nga dili mominos sa p500 milyones ang gikinihanglan arun ma-upgrade ang sistema sa trapiko sa siyudad.

Karong semanaha adunay 14 ka eskina sa dakbayan sa sugbo ang naguba ang traffic system nga nakaapekto sa dagan sa trapiko.

Gihangop usab ni Andres Bayarcal, Operations Head sa CCTO, ang dali nga pag-aprobar ni Labella sa sugyot sa iyang opisina.

Gipasabot niya nga ang mga traffic personnel magamit na unya sa operasyon batok sa ilegal nga parking kun maabot na ang bag-ong traffic system.

Kagahapon mukabat sa 126 ka awto nga ilegal nga gi-parking sa kadalanan ug mga sidewalk ang naka-clamp sud lang sa tulo ka oras. (DYARNewsCenter/GO)

Leave a Reply

Your email address will not be published. Required fields are marked *