Pilipinas mikita og P245 bilyones ang turismo sud sa unang unom ka buwan sa 2019

National News

Cebu City – Mikita og P245 bilyones ang pilipinas sud sa unang unom ka buwan sa kasamtangang tuig suma sa Department of Tourism (DOT).

Base sa pamahayag sa maong ahensya,ang kinatibuk-ang resibo alang sa unang unom ka buwan karung tuig mas taas og 17.57% kun itandi sa kaparehas nga panahon kaniadtong 2018.

Labing taas ang tourist spending kaniadtong pebrero nga miabot og P48 bilyones.

Ang kinatibuk-ang resibo usab alang sa buwan sa hunyo anaa sa P38 bilyunes, 30.56% nga mas taas kun itandi kaniadtong Hunyo 2018.

Dugang pa sa DOT, ang gigasto sa mga turista matag adlaw anaa sa $120.60 mas taas og 28.64% sa parehas nga panahon sa 2018.

Una niini, gibutyag sa dot nga anaa sa 4.1 milyones ang foreign tourist ang mibisita sa nasud sugod enero hangtod hunyo kon 11.43% nga mas taas kun itandi kaniadtong 2018. (DYARNewsCenter/BC)

Leave a Reply

Your email address will not be published. Required fields are marked *