Recruitment sa NPA sa central visayas,mikunhod

Regional

Cebu City – Gipahibalo sa Armed Forces of the Philippines – Central Command nga mikunhod ang recruitment sa mga nga walhon ug rebeldeng grupo sa mga tinun-an dinhi sa kabisay-an.

Apan giangkon ni Major Christian Uy, Group Commander sa 3rd Civil Relation Group sa AFP-Central Command nga wala pa kini hingpit nahunong tungod naa ra gihapoy mga panagsa nga ma-rekrut.

Usa sa nakitang rason mao ang kadaghan na sa mga mahimong buhaton sa mga kabataan karon nunot niining nagkamodernong panahon ug ang paghatag og pagtagad aning pagpang-rekrut sa mga walhon wala na kaayoy bili.

Miawhag gihpon si Uy sa mga kabataan nga pamalandungan kanunay kun unsa ang ilang gisudlang nga grupo.

Sigon pa niini,dunay uban nga nagpakaaron-ingnong nag-adbokasiya pagtabang sa mga kabus apan diay to hinay-hinay na silang gidani aron mokuyog sa kalihokan sa komunismo.

Kalabot niini giawhag usab ni Uy ang mga ginikanan sa pagmonitor sa mga kalihokan sa ilang mga anak kun kinsa ilang mga gikuyog-kuyogon ug paminawon sab ilang mga anak sa ilang mga yangungo ug tabangan pagsulbad sa ilang mga suliran aron di mahaylo ug mauwahi na unya ang tanan. (DYARNewsCenter/BC)

Leave a Reply

Your email address will not be published. Required fields are marked *