DA gitataw nga walay outbreak sa African Swine Fever ang Pilipinas

National News

Cebu City – Gitataw sa Department of Agriculture (DA) nga way outbreak sa African Swine Fever ang Pilipinas.

Kini bisan pa man nga daghang nangamatay nga baboy sa pipila ka lugar sa nasud.

Suma kang Agriculture Spokesperson Noel Reyes dili pa tataw nga African Swine Fever ang hinungdan kun nganong namatay ang mga baboy.

Gihigmug-atan ni Reyes nga dili angay mahadlok ang publiko tungod wala pay outbreak sa maong sakit ang Pilipinas.

Sa kasamtangan padayon ang gihimong joint activities sa DA Regional Offices ug Bureau of Animal Industry arun masiguro nga walay karne sa baboy gikan sa mga dapit diin adunay nangamatay nga makagawas merkado.

Muabot usab hangtod tulo ka buwan ayha pa masayri ang resulta sa eksaminasyon sa meat samples sa mga baboy nga gituuhang namatay tungod sa sakit. (DYARNewsCenter/GO)

Leave a Reply

Your email address will not be published. Required fields are marked *