Gobernador Garcia hugtan ang pagpasud og mga karneng baboy sa probinsya

Metro News

Cebu City – Gimando na ni Gobernador Gwen Garcia ang temporaryong pag-ban sa mga pork og live hog products nga mosud sa probinsya sud sa usa ka gatos ka adlaw.

Kini ang gipahibalo ni Garcia atol sa pakig-dayalogo niini sa provincial African Swine Fever (ASF) task force lakip na ang mga pork retailers sa lalawigan kagabii.

Mando sa gobernador nga hugtan og imonitor sa Cebu Port Authority, LGU’s ug PNP ang mga karneng baboy nga mosud sa bisan asang pantalan sa Sugbo.

Apan gitataw ni Garcia nga mamahimo nga makasud ang mga pork products sa lalawigan kun adunay ipakita nga certificate gikan sa national meat inspection service kon nmis ug Veterinarian Inspection Certification (VIC).

Mamahimo usab nga kumpiskahon ang mga pork products nga dala sa mga pasahero kun walay ipakita nga certificate.

Hinuon gitataw ni Garcia nga gilayon niining ilibkas ang maong pagban sa mga karneng baboy kun mapamatud-an nga dili ASF ang hinungdan sa pagkamatay sa pipila ka mga binuhing baboy sa laing lugar sa nasud.

Gikatakda nga karung adlawa ipagawas ni garcia ang executive order kalabot sa pagban sa mga pork products nga mosud sa probinsya. (DYARNewsCenter/GO)

Leave a Reply

Your email address will not be published. Required fields are marked *