Huot ang trapiko, lagmit masinati karong domingo atol sa pasigarbo sa Sugbo

Metro News

Cebu City – Lagmit nga makasinati og huot nga trapiko ang dakbayan sa Sugbo karong domingo.

Kini gumikan sa pasigarbo sa sugbo ilabi na ang rota gikan sa kapitolyo paingon sa Cebu City Sports Center.

Nasayran nga ang apektado nga dalan mao ang R. Duterte, V. Rama Avenue, B. Rodriguez, Osmeña Boulevard ug bahin sa dalan Escario.

Dili mominus 500 ka polis ang ipakatap gikan sa kapitolyo subay sa kadalanan hangtud na sa CCSC aron pagseguro sa seguridad sa mga tawo ug sa mga contingents.

Magsugod alas 2 sa hapon ang street dancing ug ang showdown alas 4 sa hapon.

Awarding sab sa mga modaug sa adlaw nga lunes.

Samtang gihawanan na sa mga sakop sa Cebu City Transportation Office (CCTO) ang daplin sa osmeña boulevard gikan sa mga nag-parking nga mga motorsiklo kagahapon.

Matud sa information officer sa ccto, ronie nadera, nga ang mga sidewalk dili gyud pwede nga himoong parking area kay gitagana kini alang sa mga tawo nga maglakaw. (DYARNewsCenter/GO)

Leave a Reply

Your email address will not be published. Required fields are marked *