EO gilagdaan ni Mayor Labella para pag-umol sa kalihukan sa Sinulog 2020

Metro News

Cebu City – Usa ka Executive Order (EO) ang gilagdaan ni Mayor Edgardo Labella para pag-umol sa Cebu City Sinulog Governing Board (CCSGB) aron modumala sa kalihukan sa Sinulog 2020.

Sa maong EO, ang Cebu City Mayor maoy magsilbing chairperson kinsa adunay 24 ka mga miyembro.

Kini gilangkuban sa Governor of Cebu, walo ka miyembro nga tinudlo sa mayor, lima ka trustees gikan sa Sinulog Foundation Inc., duha ka member sa sangguniang panlungsod, Cebu City Police Director, hepe sa Central Command, Cebu City Division Superintendent sa Department of Education, rector sa Basilica del Sto. nino, ug mga Regional Director sa Land Transportation Franchising and Regulatory Board, Land Transportation Office ug Department of Health.

Kabahin niini, wala una mohatag og komentaryo si Vice Mayor Michael Rama kinsa maoy chairman sa Sinulog Foundation Inc. (SFI) labot sa bag-ong kamanduan ni Labella.

Ang SFI usa ka non-government organization nga nipadagan sa Sinulog Festivities sulod na sa hataas nga panahon nga gisuportahan sa Cebu City government. (DYARNewsCenter/GO)

Leave a Reply

Your email address will not be published. Required fields are marked *