Duha ka mga pagdahili sa yuta, natala sa Barangay Tisa sa dakbayan sa Sugbo

Metro News

Cebu City – Gumikan na sab sa pagbunok sa uwan dala sa sa trough o extension sa Bagyong Liwayway, natala ang duha ka mga pagdahili sa yuta sa Barangay Tisa kagahapon, Dominggo, Septiyembre 1.

Nasayran nga nunot na sab sa grabeng uwan, natala ang grabeng baha diin moabot na kini sa liog sa pito ka mga dapit sa maong Barangay.

Sa hidden valley, barangay Tisa, walo ka mga motor ang nalubong human nidahili ang riprap sa Deca homes sa maong dapit.

Hinuon, walay natala nga angol sa landslide ug baha.

Gibutyag usab ni PAGASA Visayas Officer-in-Charge Engr. Al Quiblat nga dili ra kini makapaubos og signal warning sa central visayas o sa Sugbo.

Sukad alas 8:00 sa buntag hangtod alas 4:00 sa hapon sa dominggo, natala na ang 15 millimeters sa uwan o susama kini og 75,000 ka drum sa tubig nga gibubo sa Sugbo, base na usab sa natala sa Pagasa Mactan. (DYARNewsCenter/GO)

Leave a Reply

Your email address will not be published. Required fields are marked *