KBP Broadkaster Month sa KBP Cebu, gibuksan na!

Metro News

Cebu City – Hingpit na nga gisugdan ang tibuok buwan sa Septiyembre nga selebrasyon sa Broadcasters’ Month sa Kapisanan sa mga Brodkaster ng Pilipinas (KBP) Cebu chapter.

Ang maong  kalihukan  nga gibuksan kagahapon, Septiymbre 1,2019, gitambongan sa dul-an 30 ka FM ug AM radio stations lakip na sa TV stations sa sugbo.

Si KBP Cebu Chairman, Fr. Roberto “Bobby” Ebisa kinsa maoy General Manager sa 89.1 Power FM ug DYRF AM, niawhag sa tanang magsisibya nga magpabilin nga makanunayon ang paggamit sa kamatuoran isip pundasyon sa pagpaambit sa kahanginan.

Dugang ni ebisa nga importante kini ilabi na nga karon nga adunay mga tawo nga dali ra motuo sa bisan unsa bisan walay kamatuoran o sayop ang impormasyon nga makuha.

Ang tema sa karon nga tuig nga selebrasyon sa KBP mao ang “KBP, magsasangyaw sa kamatuoran, alang sa responsableng katilingban”.

Gipahigayon ang pagbukas sa selebrasyon sa University of San Carlos North campus diin ubay-ubay nga kalihukan sama sa sports nga volleyball, basketball, chess, badminton ug uban pa ang gihimo.

Gipahigayon sab ang pagpili sa Mr. and Ms. KBP diin si Dionysus Rond Medel “DJ Leeno Gaw” sa 93.9 iFM Cebu maoy nakadaug nga Mr. KBP samtang si Ruiza Joanne Lariosa sa Love Radio ang Ms. KBP. (DYARNewsCenter/GO)

Leave a Reply

Your email address will not be published. Required fields are marked *