Libreng lubong, gitanyag sa lokal nga panggamhanan sa syudad sa Talisay

Metro News

Cebu City – Mitanyag og libreng lubong lokal nga pangagamhanan sa dakbayan sa Talisay alang niadtong mga kabus, kansang mahal sa kinabuhi mipanaw na sa laing kalibutan.

Si Talisay City Mayor Gerald Anthony Gullas Jr., sa niaging semana, milagda na og kasabutan tali sa duha ka punerarya aron maoy mohatag og serbisyo sa mga talisaynon kansang pamilyang maglisud sa pagpahiluna sa namtay nila nga kabanay.

Gipirmahan ang Memorandum of Agreement (MOA) uban sa mga sakop sa konseho sa siyduad ug ingon man sa kadagkuan sa Mt. Olive Eternal Life Corp. ug St. Francis Memorial Homes.

Sigun pa sa mayor, nga giseguro nila nga kadtong mga kabus kaayo nga pamilya ang maka-benipisyo, nunot kay direkta sa punerarya ang bayad nga tag p8,000 alang na sa lungon ug serbisyo diha sa haya.
dili mahimo nga cash ang makuha sa tagtungod.

Ang mga kabanay sa namatay nga buot mo-avail sa programa ang mosumite lang sa Barangay Certificate of Indigency, Death Certificate, Funeral Contract, balido nga identification card sa nagproseso ug sa namatay, pamatuod nga kini taga Talisay.

Isumite kini ngadto sa City Social Welfare and Development (CSWD), nga gipanguluhan ni Felipa Solana. (DYARNewsCenter/GO)

Leave a Reply

Your email address will not be published. Required fields are marked *