Usa ka livelihood program alang sa mga kababayen-an, gilusad sa Sugbo

Metro News

Cebu City – Usa ka livelihood program alang sa mga kababayen-an ang gilusad niadtong Domingo, Septiyembre 1, 2019 nga gipangulohan mismo ni Sen. Imee Marcos diri sa Sugbo.

Ang maong programa gitawag og IMEEKabuhayan nga adunay 26 ka benipisaryo gikan sa bukirang barangay sa busay sa dakbayan sa Sugbo, gaas sa lungsod sa Balamban sa kasadpang bahin sa Sugbo.

Pinaagi sa pag-giya sa Imee Ladies/Kabuhayan officers, mas gipili sa mga kababayen-han ang pagpadaghan sa Bougainvila, lokal nga nailhan nga bombil gumikan kay dali ra nga mabaligya ug paspas ang pagtubo sa maong tanum.

Gawas niini, nailhan sab ang Bougainvillea nunot sa matahum niini nga mga kolor ug dali ra sab nga managhan.

Gani, gitug-an sab ni Jaime Chua,usa ka miyembro sa lupon sa imee kabuhayan-cebu nga aduna na sila’y order sa maong tanum sa kasamtangan.

Isip kabahin sa maong programa,ang mga kababayen-an gihatagan gikinahangalan suporta sama sa pagtukod ug edukasyon ug mga pagbansay.

Atol sa paglusad sa maong programa nga gipahigayon sa Bayfront Hotel, nihatag usab ang senadora ug P50,000 cash sa Imee ladies ingon nga dugang kapital alang sa maong proyekto. (DYARNewsCenter/JB)

Leave a Reply

Your email address will not be published. Required fields are marked *