Gov’t Employee ug Barangay kagawad sikop sa managlahi nga buy bust operation sa Leyte

Regional

Cebu City – Sikop sa gipahigayon nga managlahi nga buy bust operation ang duha ka highvalue target sa Southern Leyte ug Hilongos, Leyte.

Suma kang Rogellete Urgel tigpamababa sa Philippine Drug Enforcement Agency (PDEA) Regional Office 8, unang nasikop ang usa ka government employee nga giila nga si Roel Carpiz, 43 nagtrabaho sa Office of the Municipal Treasurer ug nagpuyo sa Brgy. Zone 2 Sogod, Southern Leyte.

Nakuha sa maong suspek ang pito ka sachet nga gituhuang shabu nga adunay estimated market value nga P23,800.

Sunod nga nasikop ang usa ka barangay kagawad nga si Noel Vargas, 46 anyos nagpuyo sa Brgy. Bantique Hilongos, Leyte.

Nakuha usab sa suspek ang duha ka sachet nga sahabu nga mobalor og P1,000.

Sa kasamtangan nagtingkagol na sa presuhan ang mga suspek ug nag-atubang na og kaso. (DYARNewsCenter/GO)

Leave a Reply

Your email address will not be published. Required fields are marked *