Lapu-lapu City, andam na alang sa ika 500th Commemoration of the Battle of Mactan

Metro News

Cebu City – Andam na ang syudad sa Lapu-lapu sa ika-500 nga paghinumdom sa gubat sa Mactan sa Abril 27, 2021.

Kini, human hingpit na nga gipirmahan ni Lapu-lapu City Mayor Junard “Ahong” Chan kagahapon, Sept. 12, 2019 ang usa ka Executive Order 21 series of 2019 nga nagmugna sa ‘Lapu-lapu City Quincentennial Committee (LCQC).

Ang LCQC, mao’y molihok isip steering committee sa National Quincentennial Committee (NQC) ni Presidente Rodrigo Duterte agi’g pagpangandam alang sa ika-500 anibersaryo sa kadaogan sa Mactan.

Giorganisar ang NQC pinaagi sa Executive Order no. 55 ni Duterte, kansang tahas mao ang pagsaulog sa pag-abot ni Ferdinand Magellan sa nasud ug ang kadaugan ni Lapu-lapu kay Ferdinand Magellan dul-an 500 ka tuig na ang nakalabay.

Magsugod ang countdown alang sa maong kalihukan karong Disyembre 14,2019.

Ang gubat sa Mactan nahitabo sa Pilipinas niadtong Abril 27, 1521. (DYARNewsCenter/GO)

Leave a Reply

Your email address will not be published. Required fields are marked *