Mayor Edgardo Labella gipahimangnuan ang mga kapolisan nga dili molugak sa ialng operasyon

Metro News

Cebu City – Subling nipahinumdum sa kapolisan sa dakbayan sa sugbo si Mayor Edgardo Labella nga dili molugak sa ilang operasyon batok sa ilegal nga drugas ug ubang mga klase sa kriminalidad ilabi na sa siyudad.

Mao kini ang tubag sa Mayor human sa giingong pipila ka drugas ang nakasulod sa sugbo gikan sa Marawi City sa Mindanao.

Sigon pa ni Labella, iyang giawhag ang kapolisan ug Philippine Coast Guard nga dili lang ang mga pantalan ang tutokan apan lakip na usab ang Pasil fish port diin adunay mga pasahero nga modagsa gikan sa mga nagkadaiyang lugar padulong sa probinsiya sa Bohol ug gikan sa Bohol padulong usab sa dakbayan sa Sugbo.

Si Labella niawhag kang Cebu City Police Office Director Police Colonel Gemma Cruz-Vinluan nga magbutangan og polis diha sa Pasil fish port nga magbantay batok sa ilegal nga drugas ug uban pang kontrabando. (DYARNewsCenter/GO)

Leave a Reply

Your email address will not be published. Required fields are marked *