Pista ng pelikulang Pilipino sugdan na karong adlawa

Showbiz

Cebu City – Sugdan na karong adlaw ang pagpasalida sa mga mga sinehan sa entries sa Pista ng Pelikulang Pilipino (PPP) 2019.

Kini ang ikatulo nga PPP nga gipanguluhan sa Film Development Council of the Philippines diin kutob lang sa Setyembre 19 ang pagpalugwa sa mga pelikula sa nagkadaiyang mga sinehan lukop nasud.

Tumong sa maong kalihukan mao ang pagpaugmad sa kabililhon sa mga pelikula nga ginama sa mga pinoy kun diin mapakita niini ang katakus sa paghatag og maanindot nga istorya alang sa katawhan.

Tungod kay karong tuiga mao ang ika-100 ka anibersaryo sa Philippine Cinema, ang mga namuno sa FDCP nipaila sa mga pelikula nga duna gyu’y nindot nga istorya.

Ang mga pelikula naglangkob sa Cuddle Weather, LSS (last song syndrome), the Panti Sisters, I’m Ellenya l., G!, Open, Watch me kill, Circa, Lola igna ug Pagbalik. (DYARNewsCenter/GO)

Leave a Reply

Your email address will not be published. Required fields are marked *