Lokal nga kagamhanan sa dakbayan sa Sugbo, mangita og laing tinubdan sa tubig

Metro News

Cebu City – Mangita og laing tinubdan sa tubig ang lokal nga kagamhanan sa dakbayan sa Sugbo.

Nunot niini, si Cebu City Mayor Edgardo Labella mipadala og suwat ngadto sa Metro Cebu Water District (MCWD) board aron mapahibawo nga ang iyang buhatan nagpadayon sa negosasyon sa private firm aron maoy mo-supply sa 100 million liters per day gikan sa desalination plant.

Gipasabot sa mayor mao ang consortium sa Metro Pacific Group of Companies ug aboitiz group nga giingong gi-triple o labaw pa ang presyo sa kasamtangang supply sa tubig nga gipalit MCWD.

Buot ni Labella nga makigtagbo sa mga opisyal sa mcwd kinsa apil sa negusasyon sanglit iyang gihulagway nga kon adunay pirmahan nga kontrata sa water district hayan mosaka ang presyo sa tubig matag cubic meter maka-apekto kini sa mga sugbuanon nga maoy ilang konsumidor.

Nangayo usab og kasayuran ang mayor gikan sa MCWD kon giunsa nila paghatag og solusyon ang problema sa kakuwang sa tubig nga nasinati karon sa dakbayan subay sa mga reklamo nga iyang nadawat. (DYARNewsCenter/GO)

Leave a Reply

Your email address will not be published. Required fields are marked *