Miss Eco Teen Philippines Vanessa Mae Walters, gibawian og korona

Showbiz

Cebu City –  Gibawi sa Miss World Philippines Organization ang korona sa nidaog nga Miss ECO Teen Philippines.

Gipahibawo sa Miss World ang pagbawi sa korona ni Vanessa Mae Walters isip 2019 Miss Eco Teen Philippines gumikan sa, misrepresentation of credentials, unprofessional behavior, indecency niini nga maoy nahimong hinungdan sa pagbawi sa iyang korona.

Matud sa Miss world, wa nagatambong si Walters sa mga official function nga tumong ipromote ang Miss Eco Teen Philippines.

Duna sa’y higayon nga nag-walk out kini sa meeting kauban ang national director, ug nibalibad sa pagpirma sa kontrata sa organisasyon.

Sumala pa sa Miss World nga gipaabot sa ilaha sa Miss Eco Teen International Organization nga si Walters, duna’y mikatap nga hubo nga hulagway online ug nag-post pa mismo kini kaugalingong social media accounts.

Lakip sab sa hinungdan ang pagpakita ni  Walters samtang miinom ug nanigarilyo.

Matud sa Miss World, tataw nga paglapas kini sa candidate rule book sa organisasyon.

Gihulip kang Walters si Daena Resurreccion aron mahimong pambato sa Pilipinas sa Miss Eco Teen pageant. (DYARNewsCenter/GO)

Leave a Reply

Your email address will not be published. Required fields are marked *