Tungod sa kakuwangon sa Tubig, naghatag ang Cebu City Gov’t ug ang MCWD

Metro News

Cebu City – Naghatag na og tubig pinaagi sa ilang mga tanker ang Cebu City Government ug Metro Cebu Water District (MCWD) ngadto sa mga urban barangay sa dakbayan gumikan sa ka kuwang sa suplay.

Sumala pa ni Engr. Joel Biton, pangulo sa Department of Public Services (DPS) nga nag-average og 8 ka tanker ang ilang ma-deliver matag adlaw ug lain pang mga gagmay nga tanker gikan sa Local Disaster Risk Reduction and Management Office (LDRRMO).

Diin ubos kini sa pagdumala ni Harold Alcontin gumikan kay hinay ngadto sa walay agas ang gripo sa MCWD.

Matud pa ni Charmaine Kara, ang Public Information Officer sa MCWD nga nakasentro ang ilang paghatod og tubig sa barangay Sambag – 1, Sambag-2, Cogon Ramos ug Sta. Cruz nga gihulagway nga grabeng naigo sa pagkunhod sa suplay sa tubig.

Gikan sa 238,000 cubic meter matag adlaw nga maoy normal nga ma-suplay sa mcwd karon nikunhod na ngadto sa 215,000 cubic meter matag adlaw hinungdan nga adunay interapsyon sa agas sa tubig.

Dugang pa sa tigpamaba sa mcwd nagkanayon nga apektado ang ilang suplay sa tubig gumikan sa grabeng kainit nga nasinati sa Metro Cebu. (DYARNewsCenter/GO)

Leave a Reply

Your email address will not be published. Required fields are marked *