Basurero naligsan, Patay!

Metro News

Cebu City – Patay diha-diha dayon ang usa ka basurero sa barangay human naunay nga naligsan sa garbage truck sa barangay Lagtang, dakbayan sa Talisay niadtong sabado sa buntag, Oktubre 12.

Giila ang biktima nga si Victor Baranggan, 47, taga Sitio Sambagan, Lagtang, Talisay.

Nahitabo kini sa Kishanta Village, Lagtang, alas 8:10 sa buntag sa naasoy nga adlaw.

Si Police Major Orlando Carag, hepe sa Talisay City Police Station, miingon nga padung mangolekta og basura sa maong lugar ang grupo nila ni Baranggan.

Apan samtang nag-atras ang sakyanan sa dulhugon nga dapit aron unta sa pag-park, giingong kalit nga niambak gikan sa truck sa kilid nga bahin ang biktima.

Giingon nga na-out balance si Baranggan hinungdan nga natumba kini paubos ug naligsan. (DYARNewsCenter/GO)

Leave a Reply

Your email address will not be published. Required fields are marked *