Construction sa Underpass sa UN Avenue sa syudad sa Mandaue, nagkasamot sa kahinay sa Trapiko

Metro News

Cebu City – Nunot sa temporaryong koral sa nagpadayong construction sa underpass sa U.N. Avenue sa dakbayan sa Mandaue giingong mao kini ang nakasamot sa kahinay sa dagan sa trapiko.

Si Architect Florentino Nimor, head sa Traffic Enforcement Agency of Mandaue (TEAM) mikompirmar nga mihinay ang dagan sa trapiko tungod sa construction sa underpass.

Naapektado sab ang traffic lights sa maong interseksiyon tungod maigo kini sa nagpadayong construction.

Gumikan niini, usa sa laraw karon sa team sa mandaue mao ang pag-adjust sa traffic islands sa intersiksyon sa U.N. Avenue, sa interseksyon sa P. Burgos St. ug interseksyon duol sa Pacific Mall aron mokusog ang dagan sa trapiko.

Nasayran nga usa sa nakapalangay sa pagtukod sa underpass sa dapit mao ang pagkuha og road right of way alang sa pagsugod sa underpass project.

Gilauman ang underpass makahatag og kasulbaran unya sa dugay nang problema sa trapiko padulong sa mactan airport agi sag Marcelo Fernan Bridge gikan dapit sa highway sa Pacific Mall. (DYARNewsCenter/GO)

Leave a Reply

Your email address will not be published. Required fields are marked *