Gidaghanon sa mga illegal aliens sa nasud nga nangadakpan, nagkadaghan

National News

Cebu City – Gibutyag sa Bureau of Immigration (BI) nga karong tuiga,mokabat na sa 1,500 ang gidaghanon sa mga illegal aliens sa nasud ang gidakop.

Matud pa sa tigpamaba sa BI nga si Dana Sandoval nga mas taas ang maong gidaghanon kon itandi sa 2018 diin duna la’y 500 illegal aliens ang nadakpan.

Sigun pa niya nga ang paglapas sa Immigration Laws sama sa overstaying sa nasud, kakuwangon og mga dokumento ug mga nnagtago-tago nga kriminal, pipila lang sa mga kasong gilapas sa mga illegal alien sa nasud.

Matud pa ni Sandoval nga anaa sa 13 milyong langyaw ang niabot sa nasud karong tuiga diin ang uban sa ilaha, nagtrabaho ug nagtuon sa nasud.

Mas misaka ang gidaghanon sa mga foreigners nga misulod sa pilipinas karong tuiga kon itandi niadtong tuig 2018.

Apan kadaghanan matud pa niya sa mga illegal foreign workers sa nasud karon mao ang mga chinese national.

Si Sandoval mipasabot nga istrikto na nila pag –ayo ang BI sa paghatag og espesyal nga mga permit sa pagtrabaho sa mga langyaw nga trabahante sa nasud. (DYARNewsCenter/GO)

Leave a Reply

Your email address will not be published. Required fields are marked *