Mga Butang nga gipanag-iya sa Kapitolyo buot bawion ni Gov. Garcia

Metro News

Cebu City – Nihatag og dakung pagtagad sa mga nabawi ug naangkon nga mga butang nga gipanag-iya sa kapitolyo si Gobernador Gwendolyn Garcia sa iyang unang 100 ka adlaw sa pagbalik sa pagka-gobernador sa lalawigan sa Sugbo.

Matud pa sa Gobernadora atol sa iyang report niadtong sabado sa gabii, nga prayoridad niya karon ang pag-upgrade sa mga provincial ug district hospitals.

Apil sa iyang gikonsiderar nga kalampusan ang pagpasar sa umento sa incentives sa mga barangay frontliners sama sa tanod, health workers ug uban pa.

Apil na sab niini ang luna nga giabangan sa innoland development company sa may IT Park diin apil nga na-turnover sa kapitolyo ang P25-million nga building.

Nabawi sab ang road right of way sa mga dalan sa Governor M. Cuenco ug salinas drive nga adunay gidak-on nga 5,581 metro kwadrado; ang pagbawi sa 29.7 ka ektarya nga luna sa bantayan airport ug duha ka tower sa Cebu IT Park nga gitukod sa filinvest company ubos sa build-transfer-operate scheme.

Lain niyang nahimo mao ang pagsugod na sa pag-ayo ug pag-develop sa mga provincial ug barangay roads ug uban pang istraktura pinaagi sa P1.3 bilyones nga supplemental budget.

Nasayran sab nga pipila sa mga programa ug proyekto niya kaniadto sa pagka-gobernador ang gisugdan niya og balik karon sama sa guv cup, pasigarbo sa sugbo ug suroy-suroy Sugbo. (DYARNewsCenter/GO)

Leave a Reply

Your email address will not be published. Required fields are marked *