Nakalas sa pangusokuso sa typhoon Hagibis sa japan, misaka na sa napulo

International News

Cebu City – Misaka na napulo ka tawo ang patay samtang kapin sa 140 sab ang naangol sa pangusokuso sa typhoon Hagibis sa Japan.

Suma sa mga otoridad, anaa sa 7.3 milyong katawo na ang gimanduan nga mag-evacuate gumikan sa maong bagyo nga hinungdan sa pagbaha, landslide ug buhawi nga nakaguba sa daghang kabalayan sa maong nasud.

Gawas sa gikatahong datos, kapin katorse sab ang gikatahong nawala gumikan sa pagbaha sa lugar sa Japan.

Nagpagawas na sab og highest level emergency warning ang Japanese Meteorological Agency sa tibuok Japan.

Nasayran nga naigo sab og magnitude 5.7 nga linog ang Japan pipila ka oras human mag-landfall ang bagyong Hagibis.

Wala hinuo’y natala nga naangol o naguba nga mga kabtangan ug wa sa’y gipagawas nga tsunami warning sa maong pagtay-og. (DYARNewsCenter/GO)

Leave a Reply

Your email address will not be published. Required fields are marked *