Ms. Grand International Philippines Samantha Lo, gipadayon ang pakigkompetensiya sa Venezuela

Showbiz

Cebu City – Niabot na sa Caracas, Venezuela si Bb. Pilipinas Grand International Samantha Ashley Lo aron makigkompetensya sa Miss Grand International Pageant.

Sa iyang post sa Instagram adlawng sabado, takna dinhi sa Pilipinas, matud pa ni Samantha nga molikay una siya sa pagkomento kabahin sa isyu sa iyang pasaporte hangtud makaabot sa Venezuela.

Siya nasayod matud pa nga gihuwat na sa publiko ang iyang komento kabahin sa isyu, daw rollercoaster ang stress ug dili maayong panghitabo ang iyang nasinati sa nanglabay nga semana.

Mao kini ang hinungdan nga molikay una siya sa pagpadayag sa iyang gibati.

Matud sa beauty queen, wad-on lang niya ang iyang pagpakahilom sa higayon nga makaabot siya nga luwas sa Venezuela.

Taliwa matud pa niini sa trauma,kinahanglan niya nga mag- moved forward ug ipadayon ang iyang journey sa hinungdan nga wa niya tuyo-a kon unsa man ang ginabato karon nga kontrobersiya batok kaniya.

Una nang gikatahong gipugngan ug gipa-deport sa French authorities si Samantha sa France gumikan sa kakulang og official passport record sa Department of Foreign Affairs.

Matud pa ni Samantha sa instagram nga napakyas ang iyang local organizer nga masiguro ang iyang proper transit visa. (DYARNewsCenter/GO)

Leave a Reply

Your email address will not be published. Required fields are marked *