Kagubot sa Hongkong, subling miulbo

International News

Cebu City – Liboan ka mga residente sa hongkong ang subling nagpundok sa Kowloon District aron mopahigayon og demonstrasyon.

Daghan sa mga raliyista ang nagsul-ob og mask samtang bitbit ang mga banner nga dunay nakasuwat nga “free hongkong”, “hongkongers resist” ug grafitti nga “better dead than red”.

Kabahin niini,nagpabiling sirado ang metro station ug nagbutang na sab og mga water canons ang pulisya sa karsada.

Gikasuko sa mga nagpo-protesta ang pagkapakyas matud pa nila sa hongkong leader Carrie Lam nga protektahan ang kagawasan sa ilang estado sa panghilabot sa beijing, pagpatuman og colonial-era emergency power, ug pagtugot sa grabe nga puwersa sa pulisya.

Samtang, gideklara sab sa hongkong police ang naasoy nga demonstrasyon isip iligal. (DYARNewsCenter/GO)

Leave a Reply

Your email address will not be published. Required fields are marked *