Mandaue City Mayor Cortes, mapasalamaton sa kapulisan sa dali nga kasulbaran sa pagpanulis

Metro News

Cebu City – Mapasalamaton si Mandaue City Mayor Jonas Cortes sa dinaliang pagkasulbad sa kaso sa pagpanulis sa JCenter Mall niadtong sabado sa gabii, Oktubre 19.

Ang mayor nipadala og text message ngadto sa media human dunay dakong kalamboan sulod lang sa pipila ka oras sa hitabo diin dunay napatay ug nangadakpan nga mga suspek.

Samtang, gidasig niya ang tanang establisemento sa pagpalig-on sa ilang security measures aron pagsanta sa dugang kaso nga mahitabo.

Kahinumduman nga patay ang upat sa 15 ka suspek sa pagpanulis sa jewelry store sulod sa maong mall human makig-engkuwentro sa kapulisan sa sa Bogo city, amihanang bahin sa sugbo.

Sumala sa Cebu Provincial Police Office (CPPO), unang nadakpan ang siyam ka suspek sa Pulambato Port in sa maong dakbayan. (DYARNewsCenter/GO)

Leave a Reply

Your email address will not be published. Required fields are marked *